ისპანახის ფხალი ნიგვზით
მასალა:
ახალი ისპანახი 500გრ.
ხახვი 200გრ.
ნიგოზი 250გრ.
ნიორი 4-6 კბილი
მწვანე ცხარე წიწაკა
ქინძი 8-12 ძირი
ოხრახუში 6 ძირი
ღვინის ძმარი 1-2 ჩ/კ.
ბროწეული და მარილი გემოვნებით.
მომზადება:
ისპანახი და ქინძის ნახევარი (4–6 ძირი) გავრეცხოთ, ჩავყაროთ ადუღებულ
წყალში და ვხარშოთ 7–10 წუთი, სანამ ფოთლები არ გახდება რბილი. გადმოვიღოთ
დუშლაკზე, ნახარში შევინახოთ ცალკე ჭუჭელში. ისპანახი და ქინძი გავწუროთ და
დავჭრათ წვრილად. ხახვი და ნიორი გავარჩიოთ და დავჭრათ წვრილად, წიწაკას
გამოვაცალოთ გული და დავჭრათ პატარა ნაჭრებად. ნიგოზი, შენახაული ქინძი, ოხრახუში
და წიწაკა გავატაროთ, დავუმატოთ მარილი, ღვინის ძმარი, ბროწეულის მარცვლები და
კარგად ავურიოთ. ამ მასას დავუმატოთ დაჭრილი ხახვი, ნიორი, ისპანახი, ქინძი და
კარგად ავურიოთ. ფხალი მოვათავსოთ სასალათეზე და გავაფორმოთ მწვანილით.
სურვილისამებ შეგვიძლია მოვასხათ ნიგვზის ზეთი.
|
