გურული ხაჭაპური "ღვეზელი"

მასალა:

ცომი:

ფქვილი 1კგ.

საფუარი 30–50გრ.

სითხე (წყალი ან რძე) 2 ჩ/ჭ.

კვერცხი 3–4ც.

შიგთავსი:

ყველი 1კგ.

კვერცხი 5–6ც.

ცომის მომზადება:

ცომის მოსამზადებლად საჭიროა ავიღოთ 2 ჩ/ჭ. სითხე (რძე ან წყალი, ან რძიანი), გავათბოთ (დაახლოებით 30*), გავხსნათ შიგ საფუარი, დავამატოთ კვერცხი, ფქვილი და მოვზილოთ ცომი. ცხიმი გავადნოთ და ვზილოთ ცომი ცხიმიანი ხელით, სანამ ცომი ცხიმს მთლიანად არ შეიზელს. მოზელილ ცომს მოვაყაროთ ფქვილი, დავახუროთ სუფთა ტილო და დავდგათ თბილ ადგილას 3–4 საათი. გაფუების პროცესში ცომი შეიძლება 2–3–ჯერ დავზილოთ. ცომი გავაბრტყელოთ მივცეთ მრგვალი ფორმა და ცომის ნახევარში, შიგთავსად ჩავდოთ დაფხვინილი ყველი და ყველზე მოვათავსოთ მოხარშული  და შუაზე გაჭრილი კვერცხი. შემდგომ გადავკეცოთ ცარიელი ნახევარი, შემოვუკეცოთ გვერდები და მივცეთ ნახევარმთვარის ფორმა. გამოვაცხოთ აირღუმელში ან კეცზე. საშობაო ღვეზელს აცხობდნენ საშობაოდ, შობის ღამეს და ურიგებდნენ ოჯახის წევრებს, სიმბოლურად რომელი ოჯახის წევრის ღვეზელშიც კენტი რაოდენობის კვერცხი აღმოჩნდებოდა იტყოდნენ, რომ მას ეს წელი ბევრ სიხარულს და წარმატებას მოუტანდა.