ღვიძლის მწვადი

მასალა:

ქათმის ღვიძლი  500გრ.

ლორი, სასურველია "პანჩეტა"  250გრ.

ბროწეული  დარჩეული მოსაყრელად

ბროწეულის წვენი (შაქრის გარეშე) - 100 მლ.

ასევე სასურველია წითელი კენკრის (cranberry) - ნატურალური, უშაქრო წვენი,

ან წითელი ღვინო  100 მლ.

მომზადება:

დაალბეთ ჩხირები წყალში 30 წუთით ადრე, ღვიძლები გაყავით 2 ან 3 ნაწილად და წამოაცვით შამფურებზე, თხლად დაჭრილი პანჩეტა შემოახვიეთ ღვიძლებს ერთ ფენად, როცა შემოახვევთ, ოდნავ, ძალიან მსუბუქად მიაგლისეთ ლორი ღვიძლებს, თითქოს ქაბაბს ან კატლეტს აძლევდეთ ფორმას. ასე ლორი მიეკვრება ღვიძლს და არ დაიშლება შეწვის დროს, ჩაალაგეთ რაიმე ჭურჩელში, მაგალითად პლასტმასის კონტეინერში და მოასხით ზემოთ ნახსენები რომელიმე სითხე, მოაყარეთ ცოტა მარილიც და შავი წიწაკაც. გაახურეთ ნაკვერჩხალი და საშუალო სიმხურვალის ცეცხლზე შეწვით, მზას მოაყარეთ დარჩეული ბროწეული. ასევე შეგიძლიათ მოასხათ ბროწეულის წვენიც.