ღორის შემწვარი ნეკნები

მასალა:

1კგ . ღორის ნეკნი

2 მოზრდილი სტაფილო

2 წითელი ბულგარული წიწაკა

1/4 ყვავილოვანი კომბოსტო

წითელი ღვინო, შავი დაფქული წიწაკა, მარილი, ქინძი, ცოტა ცხარე აჯიკა – გემოვნებით.

მომზადება:

ღორის ნეკნები რბილი ხორცით მოვათავსოთ ცხიმწასმულ ფორმაზე, ზემოდან გადავუსვათ ცხარე აჯიკა და შევდოთ აირღუმელში. როდესაც დაიწყებს შებრაწვას გამოვიღოთ და ირგვლივ მოვაყაროთ გრძლად და წვრილად დაჭრილი სტაფილო და ბულგარული წიწაკა, ასევე ყვავილებად დაშლილი კომბოსტო. ბოსტნეულს მოვაყაროთ ცოტა მარილი, შავი წიწაკა და ხორცთან ერთად ზემოდან დავასხათ ნახევარ ჭიქაზე ნაკლები შავი ღვინო. შემდეგ ისევ მოვათავსოთ აირღუმელში და დავაცადოთ ვიდრე კარგად შეიბრაწება. ამის შემდეგ გამოვიღოთ და მოვაყაროთ წვრილად დაჭრილი ქინძი. სუფრასთან მივიტანოთ წითელ ღვინოსთან ერთად.