ღორის ხორცის მუჟუჟი

მასალა:

ღორის ხორცი 1კგ.

დაფნის ფოთოლი 2ც.

ძმარი 3/4 ჩ/ჭ.

შავი პილპილის მარცვლები და მარილი გემოვნებით.

მომზადება:

გარეცხილი, ნაჭრებად დაჭრილი ღორის ხორცი ქვაბში ჩავყაროთ, დავასხათ წყალი ისე, რომ ხორცს ფარავდეს. მივუმატოთ დაფნის ფოთოლი, პილპილი, მარილი და მოვხარშოთ. როცა ხორცი კარგად მოიხარშება, დავასხათ ძმარი და წამოდუღებისთანავე ცეცხლიდან გადმოვდგათ. მერე ჩავასხათ შესაფერ ჭურჭელში და გავაციოთ. შემდეგ დავჭრათ და მივირთვათ.