გერმანული საშობაო შტოლენი

მასალა:

4 ჭიქა ფქვილი

3/4 შაქარი

1 ჭიქა რძე

2–3 კვერცხი

250-300გრ. კარაქი

1/3 ჩ/კ. დაფქული კარდამონი

1/3 ჩ/კ. იმბირი

1/3 ჩ/კ. დარიჩინი

ვანილი, მწიკვი მარილი

6 ს/კ. ვისკი, კონიაკი ან რომი, სურვილისამებრ

3 ჩ/კ. მშრალი საფუარი

300გრ. ქიშმიში (თეთრიც და მუქიც)

1 ლიმონის ცედრა

150გრ. ფორთოხლის ცუკატები (დაშაქრული ქერქი)

50გრ. კანგაცლილი ნუში (სურვილისამებრ).

მომზადება:

ცხობის დაწყებამდე რამდენიმე საათით ადრე, დავასხათ ქიშმიშს ვისკი. ნუში დავჭრათ მსხვილად. გავათბოთ რძე და კარაქი ერთად,კარაქი უნდა გადნეს. გავხსნათ მასში საფუარი და კვერცხები, ასევე სანელებლები და შაქარი. ამ მასას დავამატოთ გაცრილი ფქვილი (ფქვილი ნაწილ-ნაწილ დავამატოთ) მოვზილოთ ცომი, უნდა იყოს რბილი, მაგრამ ელასტიური და ხელებზე არ უნდა გეწებებოდეთ. ბოლო ეტაპზე ჩავამატოთ ქიშმიში ვისკიანად, ცედრა, ნუში და ფორთოხლის ცუკატები. თუ ცუკატები არ გვაქვს ფორთოხლის ცედრა შეგვიძლია ჩავახეხოთ დაახლოებით 4 ჩ/კ . კარგად გადავზილოთ და დავდგათ გასაფუებლად. რომ გაფუვდება მსუბუქად ჩავზილოთ, მეორედ ამოფუებული ცომი ორად გაყავით, მივცეთ მოგრძო ბატონის ფორმა და ქაღალდჩაფენილ ყალიბზე დავალაგოთ. გადავაფაროთ პირსახოცი და დავდგათ სითბოში 30 წთ. უმჯობესია საცხობი ყალიბი გვერდებიანი იყოს, რადგად ცომი ცხობისას სიგანეში მიდის და ძალიან რომ არ გაბტყელდეს. გამოვაცხოთ 200 გრადუსზე 15 წთ, შემდეგ კი დავუწიოთ ტემპერატურას 170 გრადუსზე, თავზე გადავაფაროთ ფოლგა და ასე დავასრულოთ ცხობა. ცხელსვე გადავუსვათ კარაქი ყველა მხრიდან და უხვად მოვაყაროთ შაქრის პუდრა. ხოლო გაციებული შევფუთოთ ჯერ საცხობ ქაღალდში, ზემოდან კი საკვებ ცელოფანში გავახვიოთ და მშრალ, გრილ ადგილას შევინახოთ შობამდე 2-3 კვირა.