ესპანური სისხლი

სართო აზრი იმის შესახებ თუ რატომ დაერქვა კოქტეილს მაინცდამაინც ,,სანგრია” არ არსებობს, თუმცა ერთი ლეგენდის თანახმად, სანგრიას სახელწოდება ესპანეთის მეღვინეობის პროვინცია რიოხში მე-17 საუკუნეში მომხდარ ტრაგიკულ შემთხვევას უკავშირდება. ესპანეთში ერთ-ერთ წარუმატებელ წელს, როდესაც გლეხებმა ვერ შესძლეს კარგი მოსავლის მოყვანა, ბურღულეულის მიწათმფლობელები გაშმაგდნენ, ვინაიდან არც მორიგმა მოსავალმა გაამართლა მოლოდინი, მოიხმეს კარგად შეიარაღებული არმია და ფართომასშტაბიანი დამსჯელი ოპერაცია ჩაატარეს, ისინი ცუდმოსავლიანობას არა წვიმიან და ცივ ამინდს, არამედ, მათი თქმით ზარმაც გლეხებს აბრალებდნენ. საბოლოო ჯამში კი მოხდა ისე, რომ ამ გააფთრებას ასობით ადამიანის სიცოცხლე ემსხვერპლა, ისინი ანადგურებდნენ ყველას, ვინც ამ პროვინციაში ცხოვრობდა, მათ შორის არც ქალებსა და ბავშვებს ინდობდნენ, სიტუაციის ჩასაცხრობად მათ მიართვეს სასმელი, რომელიც მიწათმფლობელებს არასდროს გაესინჯათ. ეს იყო პუნში, დამზადებული წითელი ღვინით, ხილით და შაქრის ფხვნილით. სასმელის არომატით შერყეული ფეოდალები, როგორც იქნა გონს მოეგნენ, შეწყვიტეს თავდასხმა და სასმელის დამზადების რეცეფტი მოითხოვეს, რიოხის მაცხოვრებლებმა გაიხსენეს სისხლიანი ტრაგედია და გადაწყვიტეს სასმელისთვის "სანგრია” ეწოდებინათ, ვინაიდან სანგრე ესპანურად სისხლს ნიშნავს.

წყარო: avtoradio.ge