ენის რულეტები კავკასიურად

მასალა:

ძროხის ენა  300გრ.

ხახვი  1 თავი

სოკო  100გრ.

მცენარეული ზეთი  2 ს/კ.

არაჟანი  1/2 ჭიქა

ნიორი  2 კბილი

წვრილად დაჭრილი ნიგოზი  2 ს/კ.

შავი პილპილის მარცვლები 2ც.

მარილი გემოვნებით.

მომზადება:

ენა მოვხარშოთ მარილიან და წიწაკიან წყალში. შემდეგ ჩავდოთ ცივ წყალში და გავაკალოთ კანი. მოხარშული ენა დავჭრათ ირიბად. ხახვი და სოკო დავჭრათ წვრილად და შევწვათ ზეთში, დავუმატოთ გატარებული ნიორი, ნიგოზი, არაჟანი და კარგად ავურიოთ. მიღებული მასა მოვათავსოთ ენის ნაჭრებზე და შევახვიოთ რულეტისებურად. გავაცხელოთ გაზქურაში 10 წუთი. მომზადებული რულეტები მოვათავსოთ სალათის ფოთლებზე და მოვაყაროთ გატარებული ნიგოზი.