ძროხის ხორცი მწვანე ლობიოთი

მასალა:

საქონლის ხორცი (რბილობი) 1 კგ.

მწვანე ლობიო 1 კგ.

პომიდორი  300 გრ.

ხახვი 3–4ც.

ოხრახუში, რეჰანი, ქინძი, დაფქვილი წიწაკა და მარილი გემოვნებით.

მომზადება:

საქონლის ხორცი დავჭრათ საშუალო ზომის ნაჭრებად, დავასხათ წყალი, მივიყვანოთ ადუღებამდე, დროდადრო მოვქაფოთ, მოვაყაროთ მარილი და ვადუღოთ საშუალო ტემპერატურაზე. დავამატოთ დატეხილი მწვანე ლობიო, წვრილად დაჭრილი მწვანილი, მრგვალად დაჭრილი ხახვი, მოვაყაროთ მარილი, წიწაკა, ვადუღოთ, შემდეგ დავამატოთ დაბლენდერებული პომიდორი და ვადუღოთ 5–7 წუთი. სუფრაზე მიტანის წინ გავაფორმოთ მწვანილით.