დაკონსერვებული ბადრიჯანი ქართულად

მასალა:

ბადრიჯანი 1 კგ.

ხახვი 200გრ.

მზესუმზირის ზეთი  1/2 ჭიქა

წითელი ღვინის ძმარი  3/4 ჭიქა

წყალი 1/2 ჭიქა

მიხაკი (ბაჰარი)  2-3ც. ერთ ქილაზე

დაფნის ფოთოლი  1ც. ერთ ქილაზე

მარილი 2 ს/კ.

მომზადება:

ბადრიჯანი გავთალოთ, დავჭრათ მრგვალად, მოვაყაროთ მარილი, გავაჩეროთ 30 წუთი. შემდეგ გავრეცხოთ და შევწვათ ზეთში. ხახვი დავჭრათ მრგვალად. წყალში ჩავასხათ ძმარი, დავუმატოთ მიხაკი (ბაჰარი), დფნის ფოთოლი, მარილი და ვადუღოთ 2–3 წუთი. ქილის ძირზე ჩავაწყოთ დაჭრილი ხახვი, შემდეგ ბადრიჯანი (ასეთივე თანმიმდევრობით ჩავაწყოთ ხახვი და ბადრიჯანი ქილის პირამდე). შემდეგ დავასხათ წყლისა და ძმრის მარინადი, თითოეულ ქილაში დავამატოთ 2 ს/კ. ზეთი და მოვხუფოთ. შევინახოთ მშრალ და გრილ ადგილას.