ჩირბული
მასალა:
კვერცხი 6ც.
პომიდორი 6ც.
ხახვი 1 თავი
მზესუმზირის ზეთი 50მლ.
ნიორი 1 კბილი
გატარებული ნიგოზი 1/3 ჭიქა
იმერული ზაფრანა 1 ჩ/კ.
ხმელი ქინძი 1 ჩ/კ.
ქინძი, კამა 3 ძირი
წითელი ცხარე წიწაკა 1ც.
მარილი გემოვნებით.
მომზადება:
პომიდორს დავასხათ ცხელი წყალი, ცოტახნის შემდეგ გავაცალოთ კანი და
რბილობი წვრილად დავჭრათ. წიწაკას ამოვაცალოთ თესლი, დავჭრათ მრგვალად, დავასხათ
ზეთი და გავაჩეროთ 15–20 წუთი. ხახვი დავჭრათ წვრილად, მოვათავსოთ ტაფაზე,
დავასხათ წიწაკიანი ზეთი და შევწვათ ოქროსფერი ფერის მიღებამდე. დავამატოთ
პომიდორი, ნიგოზი, დანაყილი ნიორი, ერთი ჭიქა წყალი, მოვაყაროთ მარილი და ვთუშოთ
დაბალ ტემპერატურაზე 5–8 წუთი. შემდეგ გადმოვდგათ გაზქურიდან, დავამატოთ ზაფრანა,
ხმელი ქინძი, წვრილად დაჭრილი მწვანილები და ავურიოთ. ქვაბში ჩავასხათ 2 ლიტრი
წყალი, ავადუღოთ და კვერცხი ჩავახალოთ სათითაოდ, ვურიოთ წყალს ქაფქირით, ისე რომ
კვერცხი არ ჩაიშალოს და ერთმანეთს არ მიკროს. მოხარშული კვერცი მოვათავსოთ თეფშზე
და მოვასხათ მომზადებული ტომატის სოუსი.
ჩირბულის მომზადების უფრო ადვილი ხერხია – ტომატის სოუსიან ქვაბში
ჩავასხათ ათქვლეფილი კვერცხი და გავაჩეროთ 2 წუთი.
|
