ჩაქაფული

მასალა:

ხბოს (ან საქონლის) ხორცი  600გრ.

ხახვი  300გრ.

ტყემალი ან ქლიავი  1 ჭიქა

მცენარეული ზეთი  60გრ.

თეთრი ღვინო  1/2 ჭიქა

ქინძი, ტარხუნა, დაფქვილი წიწაკა და მარილი გემოვნებით.

მომზადება:

ხორცი დავჭრათ წვრილად და მოვთუშოთ თავდახურულ მდგომარეობაში, როდესაც ხორცის წვენი აორთქლდება დავუმატოთ წვრილად დაჭრილი ხახვი, ღვინო, მარილი და ვთუშოთ 10–15 წუთის განმავლობაში. დროდადრო ჩავასხათ წყალი ცოტ–ცოტა. მომზადების ბოლოს დავუმატოთ წვრილად დაჭრილი მწვანილები, როდესაც მწვანილები რბილი გახდება, დავუმატოთ წიწაკა, მთლიანი ტყემალი და ვადუღოთ მოხარშვამდე.