ბულგარული წიწაკა ნიგვზით

მასალა:

ბულგარული წიწაკა 500გრ.

ნიგოზი 200გრ.

ვაშლის ძმარი  500გრ.

ხახვი  300გრ.

ნიორი  4 კბილი

უცხო სუნელი  1 ს/კ.

ზაფრანა  1 ს/კ.

ქინძი, ოხრახუში, დაფქვილი წიწაკა და მარილი გემოვნებით.

მომზადება:

ბულგარული წიწაკა გავასუფთავოთ, დავჭრათ საშუალო ზომის ნაჭრებად და მოვხარშოთ 3–5 წუთი. შემდეგ გადმოვიღოთ დუშლაკზე და გავაცივოთ. ნიგოზი და ნიორი გავატაროთ დავამატოთ უცხო სუნელი, ზაფრანა, მარილი, წიწაკა, მოვასხათ ძმარი და კარგად ავურიოთ. ხახვი, ქინძი, ოხრახუში წვრილად დავჭრათ, დავუმატოთ დაჭრილი ბულგარული, მომზადებული ნიგვზიანი მასა ავურიოთ და 3–5 წუთი ვადუღოთ დაბალ ტემპერატურაზე. გავაფორმოთ დაჭრილი მწვანილებით.