ბლინები სოკოთი და ყველით

მასალა:

ცომი:

წყალი ან რძე 0,5ლ.

კვერცხი 2–3ც.

ზეთი 1 ს/კ.

შაქარი 1 ს/კ.

პურის ფქვილი 2 ჭიქა.

შიგთავსი:

ქამა ან სხვა სოკო  300გრ.

ხახვი  1-2ც.

მაგარი ყველი 200გრ.

მჟავე კიტრი (სურვილისამებრ)  2-3ც.

მცენარეული ზეთი ან ნაღების კარაქი შესაწვავად

მარილი და პილპილი გემოვნებით.

ბლინის მომზადება:

ჯამში ჩავასხათ წყალი ან რძე, დავამატოთ კვერცხი, ზეთი, შაქარი, ფქვილი და კარგად ავურიოთ. მომზადებული მასისგან ზეთში შევწვათ ბლინები.

შიგთავსის მომზადება:

სოკო გავრეცხოთ, გავაშროთ და დავჭრათ. ხახვი გავასუფთავოთ და დავჭრათ წვრილად.  ზეთიან ან კარაქიან გახურებულ ტაფაზე მოვშუშოთ ხახვი. დავუმატოთ სოკო, თან მოვურიოთ, სანამ კარგად არ მოიშუშება ცეცხლიდან არ გადმოვდგათ. სოკოსა და ხახვს შეგვიძლია მწვანილიც დავუმატოთ. ბლინის შუაგულში დავდოთ 1 ს.კ. სოკო და მოვაყაროთ ყველი. დავკეცოთ ბლინები კონვერტივით და ორივე მხრიდან შევბრაწოთ ზეთში.