ბლინები ხაჭოთი  და ქიშმიშით

მასალა:

ცომი:

წყალი ან რძე 0,5ლ.

კვერცხი 2–3ც.

ზეთი 1ს/კ.

შაქარი 1ს/კ.

პურის ფქვილი 2 ჭიქა.

ხაჭოს შიგთავსი:

ხაჭო 250გრ.

არაჟანი 2ს/კ.

ქიშმიში 50გრ.

ლიმონი 1ც.

შაქარი 2 – 4ს/კ.

ბლინის მომზადება:

ჯამში ჩავასხათ წყალი ან რძე, დავამატოთ კვერცხი, ზეთი, შაქარი, ფქვილი და კარგად ავურიოთ. მომზადებული მასისგან ზეთში შევწვათ ბლინები.

შიგთავსის მომზადება:

ხაჭოს დავამატოთ არაჟანი და კარგად ავურიოთ. ქიშმიშს დავასხათ ცხელი წყალი და გავაჩეროთ 15 წუთი(15 წუთის გასვლის შემდეგ წყალი გადავწუროთ და გავაშროთ ქიშმიში).ლიმონი გავრეცხოთ და გავატაროთ ან გავხეხოთ კანიანად. გახეხილ ლიმონს დავამატოთ შაქარი და ავურიოთ. ხაჭოს და არაჟანს დავამატოთ ქიშმიში ლიმონი შაქრით  და კარგად ავურიოთ. ბლინის კიდეზე შიგთავსი მოვათავსოთ კოვზით  და გადავახვიოთ.  მომზადებული ბლინები დავაწყოთ ზეთმოსხულ ტაფაზე და გავაცხელოთ რამოდენიმე წამით, რათა შიგთავის ბლინებს კარგად გაუჯდეს. გავაფორმოთ ქიშმიშით.