ბადრიჯნის მწნილი
მასალა:
ბადრიჯანი
1 კგ.
ნიახური
200გრ.
კამა
და ოხრახუში 50გრ.
ნიორი 50გრ.
ცხარე
წითელი და მწვანე წიწაკა (პატარა)
მარილი 2 ს/კ.
მომზადება:
ბადრიჯანი შუაზე გავჭრათ (ბოლომდე არა), ჩავყაროთ ადუღებულ წყალში, ვხარშოთ 10
წუთი, შემდეგ გადმოვიღოთ ცივ წყალში, გავაჩეროთ 20–30 წუთი და გადმოვიღოთ დუშლაგზე, გავწუროთ ხელით. 2–3 ღერი ნიახური ვადუღოთ 4 ჭიქა წყალში მარილთან ერთად 5 წუთი. გადმოვდგათ გაზქურიდან და გავაცივოთ. მწვანილი გავრეცხოთ, დავჭრათ წვრილად, შევურიოთ გასუფთავებული და მრგვალად დაჭრილი ნიორი და წიწაკა. მომზადებული მასით გამოვტენოთ ბადრიჯანი, ჩავაწყოთ სტერილიზებულ ქილებში, დავასხათ მარილწყალი და დავახუროთ სახურავი. შევინახოთ მშრალ გრილ ადგილას. ბადრიჯანი მზად იქნება 2–3 კვირის მერე.
|
