ბადრიჯნის ხიზილალა

მასალა:

ბადრიჯანი 500გრ.

ხახვი  2-3ც.

ბროწეული  1ც.

ნიორი  1–2 კბილი

ტკბილი წიწაკა  1ც.

წითელი წიწაკა–ტკბილი და ცხარე

ოხრახუში, ქინძი, რეჰანი და მარილი გემოვნებით.

მომზადება:

მთლიანი ბადრიჯანი გამოვაცხოთ გაზქურაში, გავაცივოთ, შემდეგ მოვაცალოთ კანი, წვრილად დავჭრათ, დავუმატოთ კუბიკებად დაჭრილი წიწაკა. ბროწეულის მარცვლების ნაწილი შევინახოთ გასაფორმებლად, ნაწილისგან კი გამოვწუროთ წვენი. ბადრიჯანს დავუმატოთ ბროწეულის წვენი, გატარებული ნიორი, წვრილად დაჭრილი მწვანილები, მოვაყაროთ წიწაკა, მარილი და კარგად ავურიოთ. სუფრაზე მიტანის წინ ჭურჭელზე მოვათავსოთ მომზადებული მასა გორასავით, მოვაყაროთ წვრილად დაჭრილი მწვანილი და ბროწეულის მარცვლები.