ბადრიჯანი ყველით და არაჟნით

მასალა:

ბადრიჯანი 4ც.

არაჟანი 300გრ.

ყველი (სულგუნი) 200გრ.

კარაქი 100გრ.

მოხარშული კვერცხი  2ც.

ტარხუნის ან პიტნის  3-4 ღერი

მარილი გემოვნებით.

მომზადება:

ბადრიჯანი გავჭრათ შუაზე და ამოვაცალოთ გული, ისე რომ ნავის ფორმის იყოს, მოვაყაროთ მარილი, მოვათავსოთ ფოლგაზე (ტყვიის ქაღალდზე) და გამოვაცხოთ ნახევრად გაზქურაში 220 °С ტემპერატურაზე. მოხარშული კვერცხი წვრილად დავჭრათ, შევურიოთ გახეხილი ყველი, წვრილად დაჭრილი მწვანილი, გამდნარი კარაქი, კარგათ ავურიოთ და აღნიშნული მასა მოვათავსოთ ბადრიჯანზე. შემდეგ გამოვაცხოთ. სუფრაზე მიტანის წინ მოვასხათ არაჟანი და გავაფორმოთ მწვანილით.