ბადრიჯანი ნიახურით

მასალა:

ბადრიჯანი 6–8ც.

მწიფე პომიდორი 3–4ც.

სტაფილო  1ც. დიდი

წითელი ხახვი 2ც.

ნიორი 5–6 კბილი

ნიახური 2 დიდი  კონა (200გრ.)

რეჰანი  და ქინძი 1–1 საშუალო კონა

კარაქი 100გრ.

რაფინირებული მზესუმზირის ზეთი 5 ს/კ.

დაფნის ფოთოლი 1–2ც.

შავი პილპილი და მარილი გემოვნებით.

მომზადება:

ბადრიჯანი გავთალოთ, შემდეგ დანით გავუკეთოთ მსხვილი ჭრილი, მოვაყაროთ მარილი და გავაჩეროთ 2–30 წუთი. თუ ბადრიჯანი დიდია შეგვიძლია გავჭრათ შუაზე და თითოეულს გავუკეთოთ ჭრილი. ნიახური და ნიორი წვრილად დავჭრათ და ავურიოთ. კარაქი დავჭრათ თანაბარ ნაჭრებად, ბადრინჯის რაოდენობის მიხედვით. ბადრიჯანი ხელით გავწუროთ და ჭრილი ამოვავსოთ ნიახურის და ნივრის მასით, თითოეულში ჩავდოთ კარაქის ნაჭრები. ქვაბში ჩავასხათ 3 ს/კ. ზეთი,ჩავაწყოთ ბადრიჯანი და შევწვათ დაბალ ტემპერატურაზე ყველა მხრიდან თავსახურის გარეშე 7–10 წუთი. შემდეგ დავახუროთ თავზე მოვუმატოთ ტემპერატურას და ვთუშოთ დარბილებამდე დაახლოებით 20 წუთით. სტაფილო გავხეხოთ. ხახვი დავჭრათ წვრილად, შევწვათ ტაფაზე, დავამატოთ სტაფილო და ვთუშოთ დარბილებამდე დაახლოებით 5–7 წუთი. რეჰანი და ქინძი წვრილად დავჭრათ. პომიდროს მოვაჭრათ თავი და გავხეხოთ (კანი გადავაგდოთ), მიღებული მასა დავამატოთ ხახვიან ტაფაზე, მოვამზადოთ 5 წუთი, შემდეგ დავამატოთ ქინძი და რეჰანი, მოვაყაროთ მარილი და წიწაკა. მომზადებულ ბადიჯანს დავასხათ პომიდორის სოუსი და ვთუშოთ დაბალ ტემპერატურაზე 20 წუთით თავდახურული. არომატისთვის 5 მომზადებამდე 5 წუთით ადრე შეგვიძლია დავამატოთ დაფნის ფოთოლი.