ალაბამა სლამერი

1970-80-იან წლებში ინგლისში საკმაოდ გავრცელებული იყო სასმელი "ალაბამა სლამერი”, მაგრამ მას მხოლოდ მაღალ საზოგადოებაში და ისიც ქალბატონები ეტანებოდნენ. "ალაბამას” პოპულარობაზე კი ერთ-ერთმა კინოფილმმა იქონია გავლენა. ფილმში მსახიობი მაღალი წრის ქალბატონს თამაშობს, რომელსაც ეს სასმელი განსაკუთრებით უყვარს. იმ დროისათვის "ალაბამა” საერთოდ არ იყო შექმნილი. სწორედ კინოფილმის წყალობით ინგლისის ერთ-ერთი ბარის თანამშრომელმა საკმაოდ დიდი ფინანსური შემოსავალი მიიღო და ბარიც პოპულარული გახადა. დაწესებულებას მოგვიანებით სახელწოდება შეეცვალა და მას "ალაბამა სლამერი” ეწოდა. ამ ნაბიჯით ბარის ხელმძღვანელობამ უდიდესი რეკლამა გაიკეთა. სწორედ იქ იყრიდნენ თავს ინგლისის ელიტარული ქალბატონები და სიამოვნებით მიირთმევდნენ ალკოჰოლურ სასმელს. მისი დამზადება ნებისმიერ ადამიანს შეუძლია და საკმაოდ მარტივადაც. ინგრედიენტები შემდეგნაირი გახლავთ. საჭიროა:

1/2 უნცია "სამხრეთის კომფორტი”, 1/2 უნცია "ამარეტო”, 1/2 უნცია არაყი, 1/2 უნცია ფორთოხლის წვენი, 1 სუფრის კოვზი შაქრის სიროფი.

ყოველივე ეს შეიკერში მოათავსეთ, კარგად ათქვიფეთ და ყინულთან ერთად მიირთვით. დარწმუნებული ვარ, მისი დალევის შემდეგ, ცოტა ხნით მაინც იგრძნობთ თავს, 80-იანი წლების ელიტარულ ქალბატონად.

წყარო: avtoradio.ge