აჭარული დაწნილი ყველი

მასალა:

რძე სუფთა 1 ლ. (არასტერილიზებული)

პეფსინა (пепсина) 50-70გრ. (რძის ჩასაკვეთი, იყიდება ფხვნილის სახით, შაქრის ფხვნილთან ერთად)

მარილი გემოვნებით.

მომზადება:

რძე არ ავადუღოთ, გავაჩეროთ 24 საათი, შემდეგ დავამატოთ პეფსინა (пепсина) და დავდგათ თბილ ადგილას 1–1,5 საათით. ხელით შევაგროვოთ ყველის მასა ერთ გუნდად, მოვათავსოთ ჯამზე, ამოვწიოთ „თოკისებურად" , ჩავდოთ მდუღარე წყალში და კვლავ ამოვიღოთ სიგრძეზე. რაც უფრო თხელი (წვრილი) გამოდის „თოკი" მით უკეთესია. მიღებული გრძელი ყველის „თოკი" დავჭრათ თანაბარ ნაწილებად და დავახვიოთ „ნაწნავად" – სამისგან, ექვსისგან, ცხრისგან. მოვაყაროთ მარილი, შევახვიოთ სუფთა ტილოში და მოვათავსოთ ბნელ ადგილას 2–3 დღით.