ვაშლის პეროგი

მასალა:

კვერცხი 1ც.

ნაღები 1 ს/კ.

მარილი 1/2 ჩ/კ.

პურის ფქვილი 1 ჭიქა (ძალიან სავსე არა)

ვაშლი 620გრ.

შაქარი 200გრ.

კარაქი 100გრ.

მომზადება:

კვერცხს დავამატოთ ნაღები, მარილი, ფქვილი, 1/2 ს/კ. ზეთი და მოვზილოთ ცომი. მომზადებული ცომი გავყოთ ოთხ ნაწილად, თითოეული ნაწილი გავაბრტყელოთ თხლად, ერთი ცალი გაბრტყელებული ცომი მოვათავსოთ ცხიმწასმულ გამოსაცხობ ფორმაზე, წავუსვათ გამდნარი კარაქი, დავაწყოთ ნახევარმთვარისებურად, თხლად დაჭრილი ვაშლი (დაჭრილი ვაშლი გავყოთ სამ ნაწილად), მოვაყაროთ შაქარი (შაქარიც გავყოთ სამ ნაწილად), მეორე ცომს წავუსვათ კარაქი, კარაქიანი ნაწილით გადავაფაროთ ვაშლს, შემდეგ ზევიდან წავუსვათ კარაქი, დავაწყოთ ვაშლი, მოვაყაროთ შაქარი, დავაფარო მესამე ცომს წავუსვათ კარაქი, დავაფაროთ ვაშლს, წავუსვათ კარაქი დავაწყოთ ვაშლი, მოვაყაროთ შაქარი, დავაფაროთ მეოთხე ცომი (მეოთხე ცომსაც ვუსვამთ კარაქს), ზევიდან ისევ წავუსვათ კარაქი და გამოვაცხოთ 250* ტემპერატურაზე გაცხელებულ აირღუმელში (როდესაც პეროგს სითხე გამოუვა კოვზით ავიღოთ და მოვასხათ მთლიან ზედაპირზე).