ტორტი „სასწაული"

მასალა:

ცომი:

პურის ფქვილი 7 ს/კ. ჭიქა

კვერცხი 7ც.

შაქარი 7 ს/კ. ჭიქა

გამაფხვიერებელი 2 ჩ/კ.

ვანილი გემოვნებით.

კრემი:

ხაჭო 200გრ.

შაქრის პუდრა 100გრ.

მოხარშული სგუშონი 1 ქილა.

მინანქარი (გლაზური):

კაკაო 3 ს/კ.

შაქარი 3 ს/კ.

რძე ან წყალი 5 ს/კ.

კარაქი 50გრ.

მომზადება:

კვერცხის ცილა და ყვითრი განვაცალკევოთ ერთმანეთისაგან. კვერცხის ცილა აფთქვიფოთ მიქსერით გათეთრებამდე, შევათქვიფოთ შაქრი და კვერცხის გულები, დავამატოთ ვანილი, გამაფხვიერებელი, გაცრილი ფქვილი, კარგად ავურიოთ, ჩავასხათ პერგამენტგადაფარებულ და ცხიმწასმულ ყალიბში და შევდგათ აირღუმელში გამოსაცხობად. (ბისკვიტის მზადყოფნა შევამოწმოთ ხის ჩხირით, თუ ჩხირი მშრალია ესეიგი ბისკვიტი მზად არის).

კრემის მომზადება:

ხაჭო ავთქვიფოთ შაქართან ერთად და გავაჩეროთ რამოდენიმე საათით.

მინანქარის (გლაზურის) მომზადება:

შაქარს დავამატოთ კაკო, რძე და წამოვადუღოთ, შემდეგ გადმოვდგათ ავურიოთ კარაქი და ვანილი.

ტორტის აწყობა:

გამომცხვარი ბისკვიტი გავყოთ სამ ფირფიტად, პირველ ფირფიტას წავუსვათ მოხარშული სგუშონი, დავაფაროთ მეორე ფირფიტა და წავუსვათ ხაჭოს კრემი. მესამე ფირფიტა დავაქუცმაცოთ, ავურიოთ ცოტა რაოდენობის მოხარშული სგუშონი, მიღებული მასისგან გავაკეთოთ პატარა ბურთები და მოვათავსოთ ტორტის თავზე და მოვასხათ მომზადებული მინანქარი (გლაზური) და გავაჩეროთ რამოდენიმე საათი.