ტორტი „ყავა და შოკოლადი"

მასალა:

ორცხობილა (პეჩენია) 500გრ.

მაგარი ყავა შაქრით 1/4 ჭიქა

კრემი:

შაქარი 1 ჭიქა

კვერცხი 4 ც.

კაკაო 2 ს/კ.

კარაქი 250გრ.

ვანილი გემოვნებით.

მომზადება:

შაქარს დავამატოთ კვერცხი, კაკო, ვანილი, კარგად ავურიოთ და გავცხელოთ წყლის აბაზანაზე (ან ნელ ცეცხლზე) შესქელებამდე. შემდეგ გადმოვდგათ, გავაცივოთ, ნელ–ნელა დავამატოთ ათქვეფილი კარაქი და ავთქვიფოთ მიქსერით ერთიანი მასის მიღებამდე. კარაქწასმულ ფორმაზე მოვათავსოთ ყავაში დასველებული ორცხობილები, წავუსვათ კრემი, შემდეგ კვლავ დავაწყოთ ყავაში დასველებული ორცხობილები, დავკრემოთ და ასე გავიმეოროთ მანამ სანამ ორცხობილა და კრემი არ გათავდება, ბოლო ფენას წავუსვათ კრემი, მოვაყაროთ გახეხილი შოკოლადი და მოვრთოთ კრემით. შევდგათ მაცივარში რამოდენიმე საათით.