ტორტი „გული"

მასალა:

ბისკვიტი I:

პურის ფქვილი 1 ჭიქა

არაჟანი 0,5 ჭიქა

კვერცხი 2ც.

შაქარი 1 ს/კ.

სოდა 1 ჩ/კ.

ბისკვიტი II:

პურის ფქვილი 1 ჭიქა

არაჟანი 0,5 ჭიქა

კვერცხი 2ც.

შაქარი 1 ს/კ.

სოდა 1 ჩ/კ.

კაკაო 3 ჩ/კ.

კრემი:

სგუშონი 1 ქილა:

შიგთავსი:

ფორთოხალი 1ც.

ნიგოზი 100გრ.

გასაფორმებლად:

ქოქოსის ფანტელები და კაკაო გემოვნებით.

მომზადება:

ბისკვიტის I:

კვერცხი ავთქვიფოთ, დავამატოთ არაჟანი, ფქვილი, სოდა, შაქარი, კარგად ავურიოთ და მომზადებული მასა მოვათავსოთ პერგამენტჩაფარებულ, ცხიმწასმულ გამოსაცხობ ფორმაზე (ფორმა საჭიროა იყოს გულის ფორმის, თუ გულის ფორმა არ გვაქვს გამოცხობის შემდეგ შეგვიძლია ბისკვიტზე ამოვჭრათ გულის ფორმა) და გამოვაცხოთ აირღუმელში 20–25 წუთის განმავლობაში.  

ბისკვიტი II:

მეორე ბისკვიტიც ისევე გამოვაცხოთ როგორც პირველი, მხოლოდ დავუმატოთ კაკაო.

ტორტის აწყობა:

პირველ ბისკვიტს წავუსვათ სგუშონი, თავზე მოვაწყოთ ნახევარმთვარისებურად დაჭრილი ფორთოხლის ნაჭრები, მოვაყაროთ გატარებული ნიგოზი, კვლავ წავუსვათ სგუშონი, დავაფაროთ მეორე ბისკვიტი, წავუსვათ სგუშონი, თავზე მოვაყაროთ კაკაო და ქოქოსის ფანტელები.