ტორტი „დღე და ღამე"

მასალა:

ბისკვიტი:

პურის ფქვილი 2 ჭიქა

კვერცხი 2ც.

შაქარი 1,5 ჭიქა

არაჟანი 400გრ.

სოდა 1 ჩ/კ.

ძმარი 1 ს/კ.

კაკაო 4 ჩ/კ.

ვანილი გემოვნებით.

კრემი:

არაჟანი 2 ჭიქა

შაქარი 1,5 ჭიქა

ნიგოზი 1 ჭიქა

გასაფორმებლად:

ორცხობილა (პეჩენია) და შოკოლადი გემოვნებით.

მომზადება:

კვერცხი ავთქვიფოთ შაქართან ერთად მიქსერით, შემდეგ დავამატოთ არაჟანი,

სოდა ძმარით ათქვეფილი, ვანილი, პურის ფქვილი და მოვამზადოთ ცომი. ცომი გავყოთ ორ ნაწილად, ერთ ნაწილში დავამატოთ კაკაო და კარგად ავურიოთ. გამოსაცხობ ფორმას წავუსვათ კარაქი, ჩავაფაროთ პერგამენტის ქაღალდი, კვლავ წავუსვათ კარაქი, ჩავასხათ თეთრი ცომი (ცომი უნდა ჩავასხათ გაცხელებულ ფორმაში) და გამოვაცხოთ გაცხელებულ აირღუმელში 180* ტემპერატურაზე 20–25 წუთის განმავლობაში. (შავი ცომიც ასევე გამოვაცხოთ).

კრემის მომზადება:

არაჟანი ავთქვიფოთ შაქართან ერთად მიქსერით ერთიანი მასის მიღებამდე, შემდეგ დავამატოთ წვრილად დაჭრილი ნიგოზი და კარგად ავურიოთ.

ტორტის აწყობა:

შავი და თეთრი ბისკვიტი გავჭრათ შუაზე, შემდეგ სასურველ ფორმაზე დავდოთ თეთრი ბისკვიტი, წავუსვათ კრემი, დავაფაროთ შავი ბისკვიტი, წავუსვათ კრემი, დავაფაროთ თეთრი ბისკვიტი, კვლავ წავუსვათ კრემი, დავაფაროთ შავი ბისკვიტი, წავუსვათ კრემი და თავზე მოვაყაროთ დაფხვნილი ორცხობილა და გახეხილი შოკოლადი.