სოსისის ალადები

მასალა:

მაწონი 1 ჭიქა

კვერცხი 2ც.

პურის ფქვილი 1 ჭიქა

კარაქი 2 ს/კ.

მარილი 1/4 ჩ/კ.

სოდა 1 ჩ/კ.

ძმარი 1 ს/კ

ძეხვი ან სოსისი და კამა გემოვნებით

ზეთი შესაწვავად.

მომზადება:

კარაქი გავადნოთ, ცოტა გავაგრილოთ, შემდეგ დავამატოთ კვერცხი, მარილი, სოდა ძმრით ათქვეფილი, მაწონი, წვრილად დაჭრილი კამა, პურის ფქვილი და კარგად ავთქვიფოთ მიქსერით (ცომს უნდა ჰქონდეს სქელი არაჟნის კონსისტენცია), შემდეგ დავამატოთ კუბიკებად დაჭრილი სოსისი და ავურიოთ კოვზით.  ტაფა კარგად გავაცხელოთ, დავასხათ ზეთი და სუფრის კოვზით მოვათავსოთ ტაფაზე მომზადებული ცომი. ალადები შევწვათ ორივე მხრიდან.