შოკოლადის ნამცხვარი
მასალა:
ცომი:
პურის ფქვილი 2 ჭიქა
კვერცხი 5ც.
შაქარი 240გრ.
მარგარინი 300გრ.
არაჟანი 1 ს/კ.
სოდა 1 ჩ/კ.
კაკაო 5 ს/კ.
კრემი:
ნაღები 2 ჭიქა
არაჟანი 2 ს/კ.
ნაღების გასამაგრებელი (закрепитель сливок) 1 პაჩკა
შაქარი 1–1,5 ჭიქა
ვანილი გემოვნებით.
მომზადება:
ცომის მომზადება:
კვერცხი ავთქვიფოთ შაქართან ერთად მიქსერით, დავამატოთ დარბილებული
მარგარინი, სოდა, კაკაო, არაჟანი, ფქვილი და მოვამზადოთ ცომი. მიღებული ცომი
გავყოთ ორ ნაწილად, ერთ ნაწილი მოვათავსოთ პერგამენტჩაფარებულ, კარაქწასმულ
გამოსაცხობ ფორმაზე და გამოვაცხოთ გაცხელებულ აირღუმელში 180* ტემპერატურაზე 15
წუთის განმავლობაში. მეორე ფირფიტაც ასევე მოვამზადოთ.
კრემის მომზადება:
ნაღები ავთქვიფოთ შაქართან ერთად, დავამატოთ არაჟანი, ნაღების გასამაგრებელი, ვანილი
და კვლავ ავთქვიფოთ ერთიანი მასის მიღებამდე.
ტორტის აწყობა:
გამომცხვარ ფირფიტას წავუსვათ მომზადებული კრემი, დავაფაროთ მეორე
ფირფიტა და მოვასხათ გამდნარი შოკოლადი ან გლაზური, შევდგათ მაცივარში რამოდენიმე
საათით.
|
