ყველის და ძეხვის ჩხირები

მასალა:

ცომი:

კვერცხი 1ც.

წყალი 1 ჭიქა

ძმარი 3 ს/კ.

ზეთი 3 ს/კ.

პურის ფქვილი 3 ჭიქა

მარგარინი 300გრ.

შიგთავსი:

ყველი, ლორი და ცხარე წითელი წიწაკა გემოვნებით.

კვერცხი წასასმელად.

მომზადება:

კვერცხი ავთქვიფოთ მიქსერით, დავასხათ წყალი (ოთახის ტემპერატურის), ძმარი, ზეთი, დავაყაროთ ფქვილი და მოვზილოთ მაგარი ცომი. გავყოთ 2 ნაწილად, თითოეული ნაწილი გავაბრტყელოთ, წავუსვათ 50გრ. მარგარინი, დავკეცოთ კონვერტისებურად და შევინახოთ მაცივარში (15–20წთ.). ეს პროცესი გავიმეოროთ სამჯერ. შემდეგ ორივე ცომი გამოვიღოთ მაცივრიდან, თითოეული გავაბრტყელოთ თხლად, დავჭრათ სიგრძეზე ზოლებად (ჩხირებად), შემდეგ ერთ ზოლზე მოვათავსოთ გახეხილი ყველი და კუბიკებად დაჭრილი ძეხვი, დავაფაროთ მეორე ზოლი და გვერდები კარგად შევუერთოთ, დანარჩენი ცომებიც ასევე მოვამზადოთ, დავაწყოთ გამოსაცხობ ფორმაზე თითოეულს წავუსვათ ათქვეფილი კვერცხი, მოვაყაროთ წიწაკა  და გამოვაცხოთ აირღუმელში.