პიცა „ზღვის ნობათი"

მასალა:

ცომი:

პურის ფქვილი 250გრ.

თბილი წყალი 125მლ.

საფუარი (დროჟი) 20გრ.

ზეთი 2 ს/კ.

მარილი 1/2 ჩ/კ.

შიგთავსი:

თევზი თინუსი (тунец) (ზეთიანი, კონსერვირებული) 1 ქილა

კრევეტები 200–300გრ.

ყველი (მოცარელა) 200–300გრ.

ტომატ–პასტა 6–7 ს/კ.

თავშავა (ორეგანო) გემოვნებით.

მომზადება:

თბილ წყალში გავხსნათ საფუარი, მარილი, ზეთი, ფქვილი, მოვზილოთ ცომი და დავდგათ თბილ ადგილზე 30 წუთით. მომზადებული ცომი გავაბრტყელოთ და მოვათავსოთ პერგამენტჩაფარებულ, ცხიმწასმულ გამოსაცხობ ფორმაზე, წავუსვათ ტომატ–პასტა (ტომატ–პასტას წინასწარ ავურიოთ თავშავა), თანაბრად მოვაწყოთ მოხარშული კრევეტები და თევზი (სითხე გადავაქციოთ), მოვაყაროთ გახეხილი ყველი და გამოვაცხოთ 200* ტემპერატურაზე გაცხელებულ აირღუმელში.