პიცა „გლეხური"

მასალა:

ცომი:

პურის ფქვილი 375გრ.

საფუარი (დროჟი) 30გრ.

შაქარი 1 ჩ/კ.

მარილი 1 ჩ/კ.

მარგარინი 100გრ.

თბილი წყალი 150მლ.

შიგთავსი:

ყველი 300–400გრ.

ბადრიჯანი 1–2ც.

ბულგარული წიწაკა 1–2ც.

ტომატ–პასტა 4–5 ს/კ.

ნიორი 3–4 კბილი

ზეთ 3 ს/კ.

თავშავა (ორეგანო), რეჰანი, პილპილი და მარილი გემოვნებით.

მომზადება:

თბილ წყალში გავხსნათ საფუარი, შაქარი, მარილი, დარბილებული მარგარინი, კარგად ავურიოთ, დავამატოთ ფქვილი და მოვზილოთ ცომი, დავდგათ თბილ ადგილზე რამოდენიმე საათით (ცომის მასა ამოსვლის პერიოდში 2–ჯერ უნდა გაიზარდოს).  ბადრიჯანი დავჭრათ მგვალად, ბულგარული წიწაკა დავჭრათ ნახევარმთვარისებულად და ორივე მოვთუშოთ ზეთში. ტომატ–პასტას დავამატოთ მარილი, პილპილი, დანაყილი ნიორი, დაჭრილი რეჰანი, თავშავა, მოვასხათ ზეთი და კარგად ავურიოთ. მომზადებული ცომი მოვათავსოთ ცხიმწასმულ გამოსაცხობ ფორმაზე და გავაბრტყელოთ ხელით, შემდეგ წავუსვათ მომზადებული ტომატ–პასტის სოუსი, დავაწყოთ მოთუშული ბადრიჯანი და ბულგარული წიწაკა, მოვაყაროთ გახეხილი ყველი და გამოვაცხოთ 180* ტემპერატურაზე გაცხელებულ აირღუმელში.