პიცა

მასალა:

ცომი:

პურის ფქვილი 2 ჭიქა

არაჟანი 200გრ.

კვერცხი 2ც.

მარილი 1 ჩ/კ.

შიგთავსი:

ყველი 200გრ.

ძეხვი 200გრ.

ცხარე ტომატ–პასტა 6 ს/კ.

დაფქვილი შავი პილპილი გემოვნებით.

მომზადება:

კვერცხი ავთქვიფოთ მარილთან ერთად, დავამატოთ არაჟანი, კარგად ავურიოთ, შემდეგ დავამატოთ ფქვილი, თავდაპირველად 1 ჭიქა, შემდეგ კიდევ 1 ჭიქა და მოვზილოთ ცომი. გამოსაცხობ ფორმას წავუსვათ კარაქი, მოვათავსოთ მომზადებული ცომის ნახევარი და ხელებით გავაბრტყელოთ მთლიანი ფორმის ზედაპირზე. გაბრტყელებულ ცომს წავუსვათ 3 ს/კ. ტომატ–პასტა, მოვაყაროთ შავი პილპილი, მოვაწყოთ მრგვალად დაჭრილი ძეხვი, მოვაყაროთ გახეხილი ყველი, შავი პილპილი და გამოვაცხოთ 200* ტემპერატურაზე გაცხელებულ აირღუმელში. მეორე პიცაც გამოვაცხოთ ასევე.