ოსური ხაბიზგინა

მასალა:

ცომი:

პურის ფქვილი 3 ჭიქა

მაწონი 250მლ.

კვერცხი 2ც.

სოდა 1/2 ჩ/კ.

მარილი 1/2 ჩ/კ.

შიგთავსი:

კარტოფილი 100–150გრ.

ყველი (სულგუნი ან იმერული) 400გრ.

კვერცხი 2ც.

ერბო 1 ს/კ.

მარილი გემოვნებით.

წასასმელად:

ერბო 2 ს/კ.

მომზადება:

კვერცხი ავთქვიფოთ მარილთან ერთად. მაწონში ჩავყაროთ სოდა და ვურიოთ აქაფებამდე, შემდეგ მაწონს დავამატოთ ათქვეფილი კვერცხი, გაცრილი ფქვილი და მოვზილოთ ცომი. ცომი მოვაგუნდაოთ მრგვალად, დავაფაროთ ტილო და გავაჩეროთ თბილ ადგილზე 40–50 წუთი. მომზადებული ცომი გავყოთ ოთხ ნაწილად, თითოეული ნაწილი გავაბრტყელოთ მრგვალად, შემდეგ თითოეული ცომის ცენტრში მოვათავსოთ მომზადებული შიგთავსი და შევახვიოთ ისე რომ შიგთავსი ჩანდეს. მოვათავსოთ ცხიმწასმულ გამოსაცხობ ფორმაზე და გამოვაცხოთ აირღუმელში. გამოცხობის შემდეგ ხაბიზგინებს წავუსვათ ერბო.

შიგთავსის მომზადება:

კარტოფილი მოვხარშოთ მარილიან წყალში, გავაკეთოთ პიურე, დავამატოთ გახეხილი ყველი, ათქვეფილი კვერცხი, ერბო, მოვაყაროთ მარილი და კარგად ავურიოთ ერთიანი მასის მიღებამდე.