ნაპოლეონი ქიშმიშით
მასალა:
ცომი:
კვერცხი 1ც.
წყალი 1 ჭიქა
ძმარი 3 ს/კ.
ზეთი 3 ს/კ.
პურის ფქვილი 3 ჭიქა
მარგარინი 300გრ.
ქიშმიში 500გრ.
შაქრის პუდრა გემოვნებით.
მომზადება:
კვერცხი ავთქვიფოთ მიქსერით, დავასხათ წყალი (ოთახის ტემპერატურის),
ძმარი, ზეთი, დავაყაროთ ფქვილი და მოვზილოთ მაგარი ცომი. გავყოთ 2 ნაწილად,
თითოეული ნაწილი გავაბრტყელოთ, წავუსვათ 50გრ. მარგარინი, დავკეცოთ
კონვერტისებურად და შევინახოთ მაცივარში (15–20წთ.). ეს პროცესი გავიმეოროთ
სამჯერ. შემდეგ ორივე ცომი გამოვიღოთ მაცივრიდან, თითოეული გავაბრტყელოთ თხლად,
ერთ ნაწილზე მოვაყაროთ ქიშმიში (ქიშმიში წინასწარ გავრეცხოთ და გავაშროთ),
დავაფაროთ მეორე ნაწილი და ცოტათი კიდევ გავაბრტყელოთ რათა ქიშმიში ცომს მიეკროს,
შემდეგ ცომი დავჭრათ სასურველი ზომის ნაჭრებად, დავაწყოთ გამოსაცხობ ფორმაზე და
გამოვაცხოთ 200* ტემპერატურაზე გაცხელებულ აირღუმელში. გამოცხობის შემდეგ ცოტა
გავაცივოთ და მოვაყაროთ შაქრის პუდრა.
|
