ნამცხვარი „ესკიმო"

მასალა:

ბისკვიტი:

პურის ფქვილი 1,5 ჭიქა

შაქარი 2 ჭიქა

კვერცხი 6ც.

არაჟანი 4ს/კ.

რძე 6ს/კ.

სოდა 1ჩ/კ.

ძმარი 1ჩ/კ.

ნიგოზი 1 ჭიქა.

კაკო 2ს/კ.

კრემი:

კვერცხი 3ც.

შაქარი 1,5 ჩ/ჭ.

პურის ფქვილი 6 ს/კ.

კარაქი 200გრ.

რძე 1,5ლ.

ვანილი 1ც.

კონიაკი გემოვნებით.

მინანქარი (გლაზური):

სგუშონი 200გრ.

შავი შოკოლადი 200გრ.

შაქარი 2 ს/კ.

კარაქი 2 ჩ/კ.

ვანილი 2ც.

მომზადება:

ბისკვიტის მომზადება:

კვერცხის ცილა და გული განვაცალკევოთ ერთმანეთისგან. კვერცხის გული ავთქვიფოთ 1 ჭიქა შაქართან ერთად მიქსერით, დავამტოთ რძე, არაჟანი, სოდა ძმრით ათქვეფილი, გაცრილი ფქვილი და კარგად ავურიოთ. ცალკე ჯამში ავთქვიფოთ კვერცხის ცილა 1 ჭიქა შაქართან ერთად გათეთრებამდე (აქაფებამდე), შემდეგ ათქვეფილი ცილა ნელ–ნელა დავამატოთ ყვითელ მასას და კარაგად ვურიოთ ხის კოვზით ერთიანი მასის მიღებამდე, შემდეგ დავამტოთ დაჭრილი ნიგოზი და კარგად ავურიოთ. მომზადებული მასა ჩავასხათ ცხიმწასმულ გამოსაცხობ ფორმაზე და ვაცხოთ 150* ტემპერატურაზე გაცხელებულ აირღუმელში დაახლოებით 30 წუთის განმავლობაში. გამოცხობის შემდეგ გავცივოთ, წავუსვათ თავზე კრემი და მოვასხათ მინანქარი (გლაზური). შევდგათ მაცივარში რამოდენიმე საათით.

კრემის მომზადება:

კვერცხის გულისა და შაქრისაგან გავაკეთოთ გოგლი–მოგლი, დავამატოთ ფქვილი, ადუღებული რძე და კარგად ავთქვიფოთ მიქსერით, დავდგათ ნელ ცეცხლზე და მივიყვანოთ ადუღებამდე. დუღილისას კრემს ვურევთ განუწყვეტლივ ხის კოვზით. შემდეგ გადმოვდგათ გაზქურიდან, გავაცივოთ, დავუმატოთ მიქსერით ათქვეფილი კარაქი, ვანილი და კვლავ ავთქვიფოთ.

მინანქარის (გლაზურის) მომზადება:

სგუშონი ჩავასხათ პატარა ჭურჭელში, დავამატოთ დატეხილი შოკოლადი, შაქარი და დავდგათ გაზქურაზე, როდესაც ადუღდება გადმოვდგათ გაზქურიდან, ავურიოთ ვანილი და კარაქი. (ტორტზე მოვასხათ გაგრილებული ფორმით). თუ გლაზური ძალიან სქელი გამოვიდა შეგვიძლია დავუმატოთ ადუღებული რძე.