გრილიაჟი

მასალა:

შოკოლადი 200გრ.

ნიგოზი 250გრ.

შაქარი 150გრ.

ლიმონის წვენი 20მლ.

გამოდის 25 ცალი.

მომზადება:

ნიგოზი დავჭრათ დანით წვრილად. ქვაბში ჩავასხათ 50მლ. წყალი და ჩავყაროთ შაქარი, დავდგათ ქვაბი გაზქურაზე და ვხარშოთ ნელ ცეცხლზე (სიროფი უნდა შესქელდეს და მიიღოს ოქროს ფერი), შესქელების შემდეგ დავამატოთ ლიმონის წვენი და კარგად ავურიოთ. შემდეგ ჩავყაროთ დაჭრილი ნიგოზი და ყველაფერს კარგად ავურიოთ კოვზით (ნიგოზის ნაჭრებს სიროფი ყველა მხრიდან უნდა ფარავდეს), 5 წუთის შემდეგ ქვაბი გადმოვდგათ გაზქურიდან და მიღებული მასისგან კოვზის საშუალებით გავაკეთოთ პატარა ბურთები, დავაწყოთ კარაქწასმულ თეფშზე, რათ ცხელი გრილიაჟი არ მიეკროს თეფშს, დროდადრო კოვზი დავასველოთ ცივი წყლით. გრილიაჟი გავაჩეროთ გრილ ადგილზე გასაცივებლად 20–30 წუთი. ამ დროის განმავლობაში შოკოლადი გავადნოთ წყლის აბაზანაზე, გამდნარ შოკოლადში სათითაოდ ამოვავლოთ გრილიაჟები, დავაწყოთ კარაქწასმულ თეფშზე და შევდგათ მაცივარში სანამ მთლიანად არ გაცივდება.