წიწიბურას ტოლმა (სამარხვო)

მასალა:                                             

კომბოსტო 1 თავი

ფარში:

წიწიბურა (გრეჩიხა) 1,5 ჭიქა

კარტოფილი 4–5ც.

ხახვი 3–4 თავი

წიწაკა და მარილი გემოვნებით

ზეთი შესაწვავად.

მომზადება:

კომბოსტო დავშალოთ ფოთლებად (თითოეულ ფოთოლს მაგარი ნაწილი მოვაჭრათ) და მოვწალოთ ადუღებულ წყალში, დარბილებამდე, შემდეგ თითოეულ ფოთოლში გადავახვიოთ მომზადებული ფარში.  ქვაბში ჩავსხათ 4–5 ს/კ. ზეთი, ჩავაწყოთ შეხვეული ტოლმები და დავასხათ ადუღებული მარილწყალი (მარილწყალი უნდა ფარავდეს ტოლმას) დავდგათ გაზქურაზე და ვხარშოთ მომზადებამდე. (სურვილისამებრ მარილწყალს შეგვიძლია დავამატოთ ტომატ–პასტა).

ფარშის მომზადება:

კარტოფილი გავასუფთავოდ, მოვხარშოთ და გავაკეთოთ პიურე, შემდეგ დავამატოთ წვრილად დაჭრილი და ზეთში მოთუშული ხახვი, ნახევრად მოხარშული წიწიბურა, მოვაყაროთ მარილი, წიწაკა და კარგად ავურიოთ.