თაფლის ტორტი
მასალა:
ცომი:
პურის ფქვილი 2 ჭიქა
კვერცხი 3ც.
თაფლი 1 ჭიქა
შაქარი 1 ჭიქა
სოდა 1 ჩ/კ.
არაჟანი 200გრ.
დაჭრილი ნიგოზი 1/2 ჭიქა
კრემი:
ნაღები 250მლ.
მოხარშული სგუშონი 1 ქილა
არაჟანი 400გრ.
გასაფორმებლად:
შავი შოკოლადი გემოვნებით.
მომზადება:
კვერცხი ავთქვიფოთ შაქართან ერთად (ხელის სათქვეფით), დავამატოთ
თაფლი, არაჟანი, სოდა და კიდევ ცოტათი ავთქვიფოთ, დავამატოთ ფქვილი და კარგად ავურიოთ
ერთიანი მასის მიღებამდე (ცომს უნდა ჰქონდეს სქელი არაჟანის კონსისტენცია). შემდეგ
დავამატოთ ნიგოზი და კიდევ ავურიოთ, მიღებული ცომი გავყოთ სამ ნაწილად, ერთი
ნაწილი ჩავასხათ პერგამენტჩაფარებულ, ცხიმწასმულ გამოსაცხობ ფორმაზე და გამოვაცხოთ
აირღუმელში. დანარჩენი ორი ცომის ნაწილიც ასევე გამოვაცხოთ.
კრემის მომზადება:
ნაღები კარგად ავთქვიფოთ, დავამატოთ სგუშონი და კვლავ ვთქვიფოთ ერთიანი
მასის მიღებამდე, შემდეგ დავამატოთ არაჟანი და კარგად ავურიოთ კოვზით. (თუ კრემი
თხელი გამოვიდა რამოდენიმე საათით შევდგათ მაცივარში (საყინულეში)).
ტორტის აწყობა:
გამომცხვარ
ფირფიტას წავუსვათ მომზადებული კრემი, დავაფაროთ მეორე ფირფიტა, წავუსვათ კრემი,
დავაფაროთ მესამე ფირფიტა, წავუსვათ კრემი მთლიან ზედაპირზე და ირგვლივ, თავზე
მოვასხათ გამდნარი შავი შოკოლადი. მომზადებული ტორტი შევდგათ მაცივარში რამოდენიმე
საათი.
|
