თაფლის და ნიგვზის ტორტი (სამარხვო)

მასალა:

ფირფიტა:

თაფლი 5 ს/კ.

ქარაქი ან მარგარინი (სამარხვო) 150გრ.

ბრინჯის ფქვილი 1 ჭიქა

პურის ფქვილი 2–3 ჭიქა

გამაფხვიერებელი 1 ჩ/კ.

კრემი:

სოიოს რძე 2 ჭიქა

ბრინჯის ფქვილი 2 ს/კ.

თაფლი 3 ს/კ.

ნიგოზი 100გრ.

ცოტა მარილი

ვანილი გემოვნებით.

გასაფორმებლად:

ქიშმიში, გარგარის ჩირი და ნიგოზი გემოვნებით.

მომზადება:

თაფლს დავამატოთ გამდნარი კარაქი. პურის ფქვილს დავამატოთ ბრინჯის ფქვილი, გამაფხვირებელი და კარგად ავურიოთ, შემდეგ დავამატოთ თაფლი–კარაქით და მოვზილოთ ცომი, მომზადებული ცომი გავყოთ 4 ნაწილად. თითოეული ნაწილი გავაბრტყელოთ თხლად (მრგვალად), მოვათავსოთ ცხიმწასმულ გამოსაცხობ ფორმაზე  და გამოვაცხოთ აირღუმელში.

კრემის მომზადება:

რძეში გავხსნათ ბრინჯის ფქვილი, ვანილი, დავდგათ გაზქურაზე და ვხარშოთ ნელ ცეცხლზე შესქელებამდე (ხარშვის პერიოდში განუწყვეტლივ ვურიოთ, ხის კოვზით), შემდეგ გადმოვდგათ გაზქურიდან, დავამატოთ ცოტა მარილი, თაფლი, გატარებული ნიგოზი და კარგად ავურიოთ.

ტორტის აწყობა:

გამომცხვარ ფირფიტას წავუსვათ მომზადებული კრემი, დავაფაროთ მეორე ფირფიტა, კვლავ წავუსვათ კრემი, დავაფაროთ მესამე ფირფიტა, წავუსვათ კრემი, დავაფაროთ მეოთხე ფირფიტა, წავუსვათ კრემი, მოვაყაროთ ცოტა წვრილად დაჭრილი ნიგოზი და გავაფორმოთ ქიშმიშით და გარგარის ჩირით. (სურვილისამებრ შეგვიძლია თითოეულ ფირფიტას დაკრემვის შემდეგ მოვაყაროთ ქიშმიში) გავაჩეროთ ერთი დღე მაცივარში.