ტორტი „საოცრება"

მასალა:

ცომი:

პურის ფქვილი 1 ჭიქა

სგუშონი 1 ქილა

კვერცხი 2ც.

კაკო 3 ს/კ.

სოდა 1 ჩ/კ.

ძმარი 1 ს/კ.

კრემი:

ქლიავის ჩირი 500გრ.

ნიგოზი 1 ჭიქა

არაჟანი 500გრ.

შაქარი 1 ჭიქა

მინანქარი (გლაზური):

შავი შოკოლადი 100გრ.

ნაღები 100–150გრ.

კაკაო 1 ჩ/კ.

მომზადება:

სგუშონს დავამატოთ კვერცხი, კაკო, სოდა ძმრით ათქვეფილი, ფქვილი და კარგად ავურიოთ. მომზადებული ცომი გავყოთ სამ ნაწილად, ცომის ერთი ნაწილი ჩავსხათ პერგამენტჩაფარებულ, ცხიმწასმულ გამოსაცხობ ფორმაში და გამოვაცხოთ 180–200* ტემპერატურაზე გაცხელებულ აირღუმელში 15 წუთის განმავლობაში.  დანარჩენი ორი ცომიც ასევე გამოვაცხოთ.

კრემის მომზადება:

შაქარი ავთქვიფოთ არაჟანთან ერთად, შემდეგ დავამატოთ გატარებული ჩირი, ნიგოზი და კარგად ავურიოთ.

მინანქარის (გლაზურის) მომზადება:

შოკოლადი გავადნოთ ნელ ცეცხლზე ან წყლის აბაზანაზე, პერიოდულად ვურიოთ სანამ შოკოლადი არ გადნება, შემდეგ დავამატოთ ნაღები, კაკო და ვურიოთ ერთიანი მასის მიღებამდე. (მინანქარი ცოტა გავაცივოთ და შემდეგ მოვასხათ ტორტს).

ტორტის აწყობა:

გამომცხვარ ფირფიტას წავუსვათ მომზადებული კრემის ნახევარი, დავაფაროთ მეორე ფირფიტა, წავუსვათ დარჩენილი კრემი, შემდეგ დავაფაროთ მესამე ფირფიტა (მესამე ფირფიტას კრემი არ უნდა წავუსვათ) და მთლიან ზედაპირზე მოვასხათ მინანქარი (გლაზური). მომზადებული ტორტი რამოდენიმე საათით შევდოთ მაცივარში.