ტორტი „ნაპოლეონი" (სამარხვო)

მასალა:

ფირფიტა:

ლუდი (პივა) 250მლ.

მცენარეული ზეთი 250მლ.

პურის ფქვილი 3 ჭიქა

კრემი:

კარტოფილის სახამებელი (კრახმალი) 1 ს/კ.

პურის ფქვილი 3 ს/კ.

შაქარი 2 ჭიქა

ვანილი გემოვნებით.

შიგთავსი:

ნიგოზი 1 ჭიქა

მომზადება:

ჯამში ჩავასხათ ზეთი, ლუდი, ავურიოთ, დავამატოთ პურის ფქვილი და მოვზილოთ ცომი. მომზადებული ცომი გავყოთ 8–9 ნაწილად, თითოეული ნაწილი გავაბრტყელოთ და გამოვაცხოთ აირღუმელში (როგორც ჩვეულებრივი ნაპოლეონი).

კრემის მომზადება:

ქვაბში ჩავასხათ 750მლ. წყალი და დავდგათ გაზქურაზე, დავამატოთ შაქარი. ჯამში ჩავყაროთ პურის ფქვილი, კარტოფილის სახამებელი (კრახმალი), კარგად ავურიოთ, ნელ–ნელა დავამატოთ 250მლ. წყალი და კარგად გავხსნათ. მომზადებული მასა ნელ–ნელა ჩავასხათ ადუღებულ სიროფში და განუწყვეტლივ ვურიოთ შესქელებამდე, ბოლოს დავამატოთ ვანილი.

ტორტის აწყობა:

გამომცხვარ ფირფიტას წავუსვათ მომზადებული კრემი, მოვაყაროთ დაჭრილი ნიგოზი, დავაფაროთ ფირფიტა, წავუსვათ კრემი, მოვაყაროთ ნიგოზი, ასე გავიმეოროთ ბოლო ფენამდე, ბოლო ფენას მოვაყაროთ ფირფიტის ნაფხვენები და ნიგოზი.