სამარხვო ორცხობილა

მასალა:

პურის ფქვილი 3 ჭიქა

სახამებელი (კრახმალი) 1 ჭიქა

შაქარი 1 ჭიქა

მარილი 1 ჩ/კ.

გამაფხვიერებელი 1 ჩ/კ.

მცენარეული ზეთი 1/2 – 3/4 ჭიქა

წყალი 3/4 ჭიქა.

მომზადება:

ფქვილს ავურიოთ სახამებელი, გამაფხვიერებელი და გავცრათ, შემდეგ  გაცრილი ფქვილი პატარა პორციებად ჩავყაროთ ზეთში, კარგად ავურიოთ, დავამატოთ შაქარი, მარილი, წყალი და მოვზილოთ მაგარი ცომი. მომზადებული ცომი გავაბრტყელოთ თხლად 5 მმ სისქეზე, დავჭრათ სასურველი ფორმის ნაჭრებად, მოვათავსოთ გამოსაცხობ ფორმაზე და გამოვაცხოთ 170–180* ტემპერატურაზე გაცხელებულ აირღუმელში დაახლოებით 15 წუთის განმავლობაში. გამოცხობის შემდეგ სურვილისამებრ შეგვიძლია მოვაყაროთ შაქარის პუდრა.