ნამცხვარი ტარტალეტკები ხილით

მასალა:

კვერცხი 2ც.

შაქარი 0,5 ჩ/ჭ.

კარაქი 250გრ.

არაჟანი 2 ს/კ.

სოდა 1 ჩ/კ.

ძმარი 1 ს/კ.

შიგთავსი:

ვაშლატამა 250–300გრ.

კარაქი 100გრ.

შაქარი გემოვნებით.

ბეზე:

კვერცხის ცილა 6ც.

შაქარი 6 ს/კ.

ვანილი 1ც.

მომზადება:

2 კვერცხის გული გავთქვიფოთ მიქსერით ნახევარ ჩაის ჭიქა შაქრის ფხვნილთან ერთად. თანდათან შევათქვიფოთ 250გრ. დარბირებული კარაქი, 2 ს/კ. არაჟანი, სოდა ძმრით, დავაყაროთ 2–2,5 ჩ/ჭ. ფქვილი და მოვზილოთ რბილი ცომი.ავიღოთ ალუმინის სპეციალური ფორმები, წავუსვათ რაიმე ცხიმი (კარაქი ან მარგარინი), ჩავდოთ ცომის პატარა გუნდები და ხელით გავაბრტყელოთ, ისე რომ ცომი ჩავიდეს ფორმების ღარებში (ცომით ფორმა არ უნდა გავავსოთ, რადგან იგი ცხობაში იმატებს), თითოეული ფორმა მოვათავსოთ გამოსაცხობ ფორმაზე და გამოვაცხოთ აირღუმელში. გამოცხობის შემდეგ თითოეული ნაცხავარი გადმოვიღოთ ფორმიდან, თითოეულის ცენტრში მოვათავსოთ მომზადებული შიგთავსი, შემდეგ ტორტის მოსართავის საშუალები ნამცხვრებს მოვასხათ ბეზე, დავაწყოთ პერგამენტდაფარებულ ფორმაზე და შევდგათ აირღუმელში (აირღუმელის ქვედა პარა გამოვრთოთ) ვაცხოთ კიდევ 10 წუთი სანამ თავი არ შეებრაწება ბეზეს.

შიგთავსის მომზადება:

ვაშლატამა დავჭრათ პატარა კუბიკებად, დავამატოთ  შაქარი, კარაქი, დავდგათ გაზქურაზე და ვთშოთ დარბილებამდე.

ბეზეს მომზადება:

6 კვერცხის ცილა ავთქვიფოთ მიქსერით გათეთრებამდე, შემდეგ დავამატოთ 6 ს/კ. შაქარი და კვლავ ავთქვიფოთ მიქსერით, დავამატოთ 1ც. ვანილი და ისევ ავთქვიფოთ.