ლობიანი
მასალა:
ცომი:
პურის ფქვილი 1,5კგ.
საფუარი (დროჟი) 15გრ.
შაქარი 1 ჩ/კ.
ზეთი 3 ს/კ.
მარილი 1 ჩ/კ.
წყალი რასაც შეიზელს
ზეთ შესაწვავად.
შიგთავსი:
ლობიო (წითელი) 1კგ.
ხახვი 3–4 თავი
შავი პილპილი და მარილი
გემოვნებით.
მომზადება:
დიდ ჯამზე ფქვილი
გავცრათ, დავამატოთ საფუარი, შაქარი, ცოტა მარილი, ზეთი, თბილი წყალი და მოვზილოთ
ცომი (ისეთი რომ როდესაც თითს დავდებთ ცომის ზედაპირზე თითის ანაბეჭდი არუნდა
დარჩეს). მომზადებულ ცომს გადავაფაროთ ტილო და დავდგათ თბილ ადგილას რამოდენიმე
საათით. შემდეგ ცომი გავყოთ პატარა გუნდებად, თითოეული ცომის გუნდა ცოტათი
გავაბრტყელოთ თითებით, გაბრტყელებულ ცომებზე მოვათავსოთ მომზადებული შიგთავსი, მოვუკრათ
თავი, გავაბრტყელოთ და შევწვათ გაცხელებულ ცხიმწასმულ ტაფაზე. შეწვის შემდეგ ლობიანებს
წავუსვათ კარაქი.
შიგთავსის მომზადება:
ლობიო მოვხარშოთ, როცა
მოიხარშება ჩავყაროთ თუშფალანგზე და გავავლოთ წყალი. შემდეგ მოხარშული ლობიო
გავატაროთ ხორცსაკეპ მანქანაში (ან დავჭყლიტოთ), დავამატოთ წვრილად დაჭრილი ზეთში
შემწვარი ხახვი, მოვაყაროთ მარილი, პილპილი და კარგად ავურიოთ.
|
