ლაზანია
მასალა:
ცომი:
წყალი 2 ჭიქა
კვერცხი 4ც.
მარილი 1,5 ჩ/კ.
პურის ფქვილი რასაც შეიზელს.
შიგთავსი:
ფარში (ღორის ან საქონლის) 700–800გრ.
ხახვი 2 თავი
ყველი 500გრ.
მარგარინი ან კარაქი 250–500გრ.
მომზადება:
კვერცხი ავთქვიფოთ, დავასხათ ნელთბილი წყალი, დავამტოთ მარილი, პურის
ფქვილი და მოვზილოთ ცომი (ცომი უნდა გამოვიდეს რბილი). მომზადებული ცომი გავყოთ 9
ნაწილად, თითოეული ნაწილი გავაბრტყელოთ ცალ–ცალკე (ცომის 7 ნაწილი უნდა
მოვხარშოთ, ხოლო 2 ნაწილი უნდა გამოვიყენოთ უმად), ცომის ერთი ნაწილი (უმი)
მოვათავსოთ ზეთწასმულ გამოსაცხობ ფორმაზე, ისე რომ ცომის გვერდები გადმოვიდეს
ფორმის ირგვლივ, შემდეგ ცალკე ქვაბში ავადუღოთ წყალი ჩავყაროთ მარილი და კარგად
ავურიოთ, ჩავდოთ მასში 1ც. გაბრტყელებული ცომი და გავაჩეროთ დაახლოებით 2 წუთი,
შემდეგ ბრთხილად გადმოვიღოთ მოხარშული ცომი ცივ წყალში, კარგად გავწუროთ ხელით,
მოვათავსოთ ცომდაფარებულ გამოსაცხობ ფორმაზე,(დანარჩენი 6 ცომიც მოვხარშოთ
ზემოთაღნიშნული მეთოდით) წავუსვათ გამდნარი მარგარინი, დავაფაროთ მეორე მოხარშული ცომი,
წავუსვათ კვლავ მარგარინი, დავაფაროთ მესამე მოხარშული ცომი, მოვაყაროთ შიგთავსის
ნახევარი, დავაფაროთ მეოთხე მოხარშული ცომი, წავუსვათ მარგარინი, დავაფაროთ მეხუთე
მოხარშული ცომი, წავუსვათ მარგარინი, დავაფაროთ მეექვსე მოხარშული ცომი, მოვაყაროთ
დარჩენილი შიგთავსი, დავაფაროთ მეშვიდე მოხარშული ცომი, წავუსვათ მარგარინი,
შემდეგ გადავაფაროთ უმი ცომი, კარგად გადავუკეცოთ გვერდები, წავუსვათ მარგარინი,
დავჭრათ სასურველი ზომის ნაჭრებად და გამოვაცხოთ არღუმელში.
შიგთავსის მომზადება:
ფარში მოვთუშოთ ზეთში, შემდეგ დავამატოთ წვრილად დაჭრილი ხახვი,
მოვაყაროთ პილპილი და ვთუშოთ მომზადებამდე. მომზადებულს ფარშს ავურიოთ გახეხილი
ყველი.
|
