ხაჭოს კონვერტები
მასალა:
ცომი:
პურის ფქვილი 600გრ.
საფუარი (დროჟი) 2 ჩ/კ.
შაქარი 100გრ.
კვერცხის გული (ყვითრი) 3ც.
რძე 180მლ.
კარაქი 120გრ.
მარილი 1/2 ჩ/კ.
შიგთავსი:
ხაჭო 500გრ.
შაქარი 0,5 ჭიქა
კვერცხის გული (ყვითრი) 2ც.
სახამებელი (კრახმალი) 2 ს/კ.
გამდნარი კარაქი 20გრ.
ქიშმიში 0,5 ჭიქა
ვანილი გემოვნებით
კვერცხის გული (ყვითრი) წასასმელად.
მომზადება:
ფქვილს დავუმატოთ საფუარი და კარგად ავურიოთ, შემდეგ დავამატოთ
შაქარი, რძე, კვერცხის გული, კარაქი, მარილი და მოვზილოთ ცომი, მომზადებულ ცომს
გადავაფაროთ ტილო, დავდგათ თბილ ადგილზე ამოსასვლელად 2 საათით. მომზადებული ცომი
გავაბრტყელოთ თხლად (სისქით 0,5 სმ.) გაბრტყელებული ცომი დავჭრათ 12 კვადრატად,
თითოეულ კვადრატის ცენტრში მოვათავსოთ მომზადებული შიგთავსი, შევახვიოთ
კონვერტისებურად, დავაწყოთ გამოსაცხობ ფორმაზე, გავაჩეროთ 30 წუთი ამოსასვლელად,
შემდეგ წავუსვათ ათქვეფილი კვერცხის გული, შევდგათ 190* ტემპერატურაზე გაცხელებულ
აირღუმელში და ვაცხოთ 15 წუთი. გამოცხობის შემდეგ გავაცივოთ და მოვაყაროთ შაქრის
პუდრა.
შიგთავსის მომზადება:
ხაჭოს ავურიოთ შაქარი, შემდეგ დავამატოთ კვერცხის გული, სახამებელი,
კარაქი, ვანილი, ქიშმიში და კარგად ავურიოთ.
|
