ქათმის ჩახოხბილი კვერცხით

მასალა:

ქათამი

ერბო 100გრ.

კვერცხი 3–4ც.

პომიდორი 1კგ.

ხახვი 4–5 თავი

ქინძი 1 კონა

ოხრახუში 1 კონა

კამა, წიწაკა და მარილი გემოვნებით.

მომზადება:

გასუფთავებული ქათამი დავჭრათ, ჩავაწყოთ ქვაბში და მოვშუშოთ. დავაყაროთ დაჭრილი ხახვი, დავასხატ კარაქი ან ერბო და გავაგრძელოთ შუშვა თავღია ქვაბში 15–20 წუთის განმავლობაში. პომიდორი გავხეხოთ სახეხზე (ან გავატაროთ ხორცსაკეპ მანქანაში), დავასხათ მოშუშულ ქათამს, დავახუროთ თავსახური და ვადუღოთ ხორცის მოხარშვამდე. შემდეგ კარგად გავთქვიფოთ 3–4 კვერცხი და ნელ–ნელა დავუმატოთ. მოვაყაროთ დაჭრილი ქინძი, ოხრახუში, კამა, წიწაკა და მარილი.