ელარჯი

მასალა:

ღერღილი 1კგ.

ყველი 2კგ. (უმარილო, რბილი სულგუნი)

სიმინდის ფქვილი 300გრ.

წყალი 2ლ.

მომზადება:

დავჭრათ სულგუნი დიდ ნაჭრებად და გავხეხოთ სახეხზე მსხვილი მხრიდან, გახეხილი ყველი მოვათავსოთ სასურველ ჭურჭელში. გავრეცხოთ ღერღილი ძალიან კარგად, რომ მუქი ფერის შემადგენლობა მოცილდეს, ღერღილზე წყლის დასხმის და მორევის დროს მუქი ფერის შემადგენლობა ამოდის ზედაპირზე, რომელიც უნდა მოცილდეს. მოქმედება უნდა გავიმეოროთ იქამდე, სანამ ღერღილი სრულად არ გასუფთავდება. გარეცხილი რერღილი მოვათავსოთ თუჯის ქვაბში და დავასხათ 2 ლიტრი წყალი, დავდგათ ცეცხლზე და ვურიოთ მოხარშვამდე დაახლოებით 30 წუთი. მოხარშვის შემდეგ ჩავაზილოთ (ხის კოვზით) სიმინდის ფქვილი (რომ მასა გასქელდეს), ფქვილს რომ ჩავზელთ, 3 წუთი უნდა იდუღოს თავდახურულ ქვაბში. თანდათანობით დავუმატოთ სულგუნი და კარგად ჩავზილოთ, ისე რომ ღერღილით და სულგუნით მივიღოთ ერთი მთლიანი მასა. თეფშებზე ამოვიღოთ პატარა სველი თეფშით, სველი საჭიროა იმისთვის, რომ თეფშზე არ მიიკრას და გაადვილდეს ამოღების პროცესი. კერძი მიირთმევა ცხლად (სასურველია მირთმევა საცივთან ერთად).