ბოსტნეულის პერაშკი (სამარხვო)

მასალა:

პურის ფქვილი 1კგ

საფუარი (დროჟი) 6გრ.

შაქარი 2 ს/კ.

მარილი 1 ს/კ.

ზეთი 6 ს/კ.

თბილი წყალი 700მლ.

ზეთი შესაწვავად.

შიგთავსი:

კომბოსტო 1 თავი

სტაფილო 1–2ც.

ხახვი 2–3 თავი

წიწაკა და მარილი გემოვნებით.

მომზადება:

საფუარი გავხსნათ წყალში, დავამატოთ მარილი, შაქარი, ფქვილი, ზეთი და მოვზილოთ რბილი ცომი. ჯამს წავუსვათ ცოტა ცხიმი, მოვათავსოთ მასზე ცომი, დავაფაროთ ტილო და შევდგათ ერთი დღით მაცივარში. მეორე დღეს ცომი გამოვიღოთ მაცივრიდან, მომზადებული შიგთავსით გავაკეთოთ პერაშკები და შევწვათ ზეთში.

შიგთავსის მომზადება:

კომბოსტო და სტაფილო დავჭრათ წვრილად და მოვთუშოთ ზეთში, შემდეგ დავამატოთ წვრილად დაჭრილი ხახვი, კვლავ ვთუშოთ, ბოლოს დავამატოთ წიწაკა, მარილი და კარგად ავურიოთ.