შავი ტორტი თეთრი კრემით

მასალა:

ბისკვიტი:

კვერცხი 3ც.

პურის ფქვილი 3,5 ჭიქა

შაქარი 2 ჭიქა

სოდა 1 ჩ/კ.

ძმარი 1 ს/კ.

ვანილი 1ც.

კაკაო 2 ს/კ.

კარაქი (დარბილებული) 100გრ.

რძე (ცივი) 2 ჭიქა.

კრემი:

კარაქი 250გრ.

სგუშონი 1 ქილა

მომზადება:

კვერცხის ცილა და გული განვაცალკევოთ ერთმანეთისგან. ცილა ავთქვიფოთ მიქსერით გათეთრებამდე (კვერცხის ცილა უნდა გადაიქცეს თეთრ ქაფად), შემდეგ ისე რომ მიქსერი არ გავაჩეროთ ნელ–ნელა ჩავყაროთ შაქარი და ავთქვიფოთ, შემდეგ სათითაოდ ჩავყაროთ კვერცხის გულები და კვლავ ვთქვიფოთ მიქსერით, ბოლოს დავამატოთ რძე, ფქვილი,  კაკაო, ვანილი, სოდა ძმრით ათქვეფილი, დაჭრილი კარაქი და ვურიოთ ხის კოვზით ერთიანი მასის მიღებამდე. მომზადებული მასა ჩავასხათ გაცხელებულ, პერგამენტჩაფარებულ და ცხიმწასმულ გამოსაცხობ ფორმაში და გამოვაცხოთ აირღუმელში. (ზემოთ აღნიშნული მასალით გამოვაცხოთ მეორე ბისკვიტიც). გამომცხვარ ბისკვიტებს მოვაჭრათ ზედმეტი ნაწილები და დავფხვნათ. შემდეგ ბისკვიტს წავუსვათ მომზადებული კრემი, დავაფაროთ მეორე ბისკვიტი, კვლავ წავუსვათ კრემი და ირგვლივ და ზედაპირზე მოვაყაროთ ბისკვიტის ნაფხვენები.

კრემის მომზადება:

დარბილებული კარაქი კარგად ავთქვიფოთ, შემდეგ დავამატოთ სგუშონი და კვლავ ავთქვიფოთ.